PMGSY hmanga Zuangtui leh Muthi inkar kawng siam mek chu vawiin khan bialtu MLA, Pu R Lalrinawma, Assembly Dy. Speaker-in a tlawh a. Muthi kawng leh tui lakna siam mek chu \ha taka thawh a nih theih nan hnathawktute \ha taka \awiawm turin Muthi mipui, VC leh tlawmngai pawlte a chah. Zuangtui leh Muthi inkar kawng hi KM 2.260 a thui a ni a, a sirah hian tuiluan kawr siam tur a nih bakah kawng siam nan hian Rs 1,67,95,838 ruahman a ni. Hna hi nikum November khan \an a ni a, kumin November thlaa zawh tura tih a ni. Dy. Speaker hian, Muthi tlanga PHE-in tui dah khawlna a siam pawh a tlawh bakah Tuirial kawng siam \hat mek pawh a tlawh nghal a ni.
