Hemi atana hriattirna hi Mizoram sorkar chuan vawiin khan a ti chhuak a, dan thar hman a nih a\ang hian phalna nei lo tan Mizorama zu lakluh, lakchhuak, siam, lei, hralh, chhekkhawl leh in te khap a ni a. he dan bawhchhia te chu kum 5 chhung lung in tan leh cheng nuai 1 thleng chawitir theih an ni dawn a ni. He dan hmang hian zu fakmawi na lam chi reng reng khap a ni a, Doctor-in an hriselna kaihhnawia zu in phalna a pek te chuan an in thei ang a, hetihrual hian vantlang hmun leh hmun ualau dangah te erawh in phalsak an ni lova sorakrin zu in phalna a pek te pawh vantlang mithmuh an in phal sak a ni dawn lo a ni. Zu leh a kaihhnawih siamna hmanrua kawl emaw, nei emaw nia rinhlelh te chu excise leh Police ASI chinin khaw en laiin an duh duh hunah an endik thei a, hetiang kawlte chu warrant tel lo pawhin an man thei dawn a ni. He dan thar hian Autonomous District Council pathum Lai, Mara leh Chakma District Council tih loh Mizoram hmun dang zawng a huam vek a ni.
