Zu khapna dan hmanlai hnuaiah hian zu lakluh, kawl leh zawrh te khap a ni a, a ti lui chu kum 5 thleng lung in tantir leh cheng nuai 1 thleng chawitira hrem theih an ni. Zu in pawh khap a ni a, a in luite chu thla 6 thleng lung in tantir leh cheng sang 5 thleng chawitira hrem theih an ni a, court in \ha zawka a hriat chuan zu rui man te chu tantir lovin vantlang rawngbawl hna thawh luihtirin a hrem thei a. Zu rui chunga vantlang tana harsatna siam te leh rui chunga lirthei khalhte chu kum 2 thleng lung in tantir leh cheng sing 1 thleng chawitira hrem theih an ni a, vantlang rawngbawl hna thawhtir theih an ni bawk.
September thla chhung khan zu zuar man 176 an awm laiin zu rui man erawh chu mi 12 chauh an ni thung a ni.
Excise and Narcotics Dept te hian September thla chhung khan rakzu litre sing 1 leh za 5 chuang an man a, Zu bilh lai leh dawidim \hahnem tak an man bawk a, IMFL, a sen chi tia sawi um puitling bottle 1474 leh a chanve bottle 235 an man bakah ramdang a\anga lakluh a sen chi bottle 97 an man bawk a ni.
