Vawiina Aizawl Press Club-a thuthar lakhawmtute an kawmnaah ZPM General Secretary, Pu James C. Lalnuntluanga chuan, tuna Mizoram dinhmun enin ramdang mi, dan lova Mizorama awmte vangin harsatna a thleng \hin tih chu mipuiten an hria a, hei hi hriaa Jt. NGO Coordination Committee-in Political party hrang hrangte hnena Chakma Candidate nei lo tura ngenna a siam chu zahawm an tih thu sawiin, \angrual pawl chuan Chakma candidate hi an dah lo mai ni lovin, Pathian leh mipui zara \angrual pawlin sorkar-na an siam a nih chuan dan lova din CADC chu dan anga \hiah a nih theih nan NGO chakna hmangin hma an la dawn tih a sawi a ni. Pu James C. Lalnuntluanga chuan, Jt. NGO Coordination Committee-in Chakma candidate nei lo tura Political party-te a ngen chunga Chakma candidate an nei hlawm chu \ha lo an tih thu sawiin, Chakma candidate zingah pawh MNF ticket-a ding, Pu Rasik Mohan Chakma leh BJP candidate, Dr. BD Chakma chu dan lova ram dang a\anga Mizorama lo lut ngei nia hriat an ni tih sawiin, hetianga dan lova ram dang mi pawh thliar chuang lova mahni ham\hatna chiah ngaihtuaha hma an la chu an dam takzet tih a sawi a. Hetih rual hian ZPM chuan dan dik taka Mizorama awm Chakma leh Tuikuk-te chu an haw lova, zalen taka Mizorama an awm a duhsak zawk tih sawiin, dan lova awmte erawh umchhuah an tum thung dawn niin a sawi.
ZPM Vigilance Department hotute chuan, Brig. T Sailo kaihhruai sorkar chauh chu Mizoram sorkar awm tawh zinga dan lova Mizorama awm Chakma-te umchhuah kawnga hmalatu awmchhun a ni tih sawiin, PC sorkar khan Chakma foreigner 11,169 zet chu sipai chakna hmangin an umchhuak a, hemi hnua sorkar awm lehte chuan Chakma foreogner umchhuak tur hian hma an la zui lova, hma an la zui lo mai ni lovin CADC inthlan hnuhnung berah khan Congress leh MNF chuan BJP thawhpui inchuhin sorkar siam dan a zawng zawk niin an sawi a ni.
