Vawiina an party chhung inkhawmah Pu Lalthansanga chuan, Mizorama Sorkarna chelh tawh ten heng thil hi a mal mala an kalpui \hin avangin hnam dinhmun a derthawng mek a, Economics development pawh chutiang tho a an kalpui avangin kut dawh hnamah min chhuah zo ta a ni, a ti. Tuna sorkar mekte pawh hi eptu pawl a nih lai chuan ramri an ngai pawimawh viau a, an sorkar hnuah an hmalakna a beitham leh hle si tih sawiin, a hun laiin hma an lak tawh loh avangin an tan kawng a biboh zo ta a, an salu hawn chu tun dinhmun hi a ni, a ti. Pu Lalthansanga chuan, ram hruaituten Economic development an ngaihthah avangin a kum telin BPL an pung a, an retheihna denchhenin \henawm State a\angin min rawn nuthuri zuam zo ta niin a sawi
MPC a\angin ZPM-a an inchhunluh chhan chu an Party dintu Brig T.Sailo thlarau an zah vang a ni tih sawiin, Pu C. Lalthansanga chuan, a policy tih hlawhtlin theihna awmchhun chu ZPM Party anih avangin thinlung takin ZPM-ah an awm a, tun hmaa MPC-in sorkar a lo siampui tawh te kha chuan Lalna leh thuneih duh avangin an thawhpui mai \hin zawk a nih thu leh Zoram tluchhe mek tun din leh nan Zoram mipui zawng zawng te ZPM a lo tel zel turin an sawm tih a sawi.
ZPM chhung Inkhawm hi General Secretary, Pu C. Lalthanfela’n a kaihruai a ni.
