Vawiina an Party chhung inkhawmah thusawiin, MLA hlui Pu Lalthansanga chuan, MNF leh Congress sorkar chhungin Mizoram leh Assam ramri buai chinfel nana hmalakna awmze nei a awm ngai lo niin a sawi a, ramri buai chingfel tur chuan inchuhpuite nen innek rap rap a ngaih chang a awm \hin a, tun dinhmunah chuan hetiang thil a lo awm hian Assam lamin Mizoram ei leh bar leh chakkhai lakluhna an hrek an hlauh \hin avangin riltam chungin an huaisen tawk thei lo va, a dawih zawkah an \ang fo \hin a ni a ti a, hei hi a reh a, ramri buaina chingfel tur chuan ei leh barah Mizoram chu a intodelh phawt a ngai a, hemi kawnga hmalakna hi ZPM sorkar hunah chuan ngaipawimawh hmasak a ni dawn a ni, a ti.
Assam ram a\ang chauh ni lo, hmun dang a\anga Mizoram mamawh lakluh theihna tur an ngaihtuah bawk dawn tih ZPM Vice Chairman chuan a sawi a, MNF party chu opposition an nih lai chauha ramri buai ngaihsak \hin leh an sorkar hnua ramri ngaihthah leh \hinah puhin, MNF party hian an rilru tak takin ramri buai hi an vei tawk lo a ni, a ti.
Pu Lalthansanga chuan, ZPM chu inthlan leh huna mipuiten sorkar siam tura mipuite beisei ber a nih avangin huaisen takin an kal zel dawn tih a sawi a, rorel lai party MNF in sorkarna an siam hnu thlenga ZPM an beih chhunzawm reng chhan chu ZPM hi inthlan leh huna sorkar siam mai thei tura an hmuh vang niin a sawi. Inkhawm hi ZPM Steering Committee Chairman, Pu Lalliansawta’n a kaihruai a ni.
