Vawiina Aizawl Press Club-a thuthar lakhawmtute a kawmnaah Val Upa Council Chairman, Pu Lalfakzuala chuan, Joint NGO Coordiantion Committee-in Mizoram inthlan buaipui tura Mizoram CEO an rin tawk loh thu leh thlak an duh thu an sawi chu chik taka an ngaihtuah thu sawiin, NGO-te lungawi lohna hi Val Upa Council chuan awm a tiin, a thlawp tlat a, CEO hi thlak se a fel mai an ring tih sawiin, he buaina chinfel kawngah hian fimkhur taka leh lungrual taka tharum thawh lova kal a \ul nia an hriat thu a sawi. Pu Lalfakzuala chuan, ram himna atana pawimawh tak ramri chungchangah MNF leh Congress Party chu Memorandum of Settlement-a an an lo inziah awh tawh avangin hmala thei dinhmunah an ding lo nia sawiin, ramri chungchangah hian ZPM chauh chu awmze neia hmala thei niin a sawi a, ZPM a sorkar chuan Mizoram chhung ni si, tuna Assam-in a enkawl mek Inner Line Reserved Forest chu lakkir turin hma a la nghal dawn niin a sawi. ZPM Val Upa Council Chairman chuan, sawhthing leh hmunphiah lei an tum thu an sawiah mi\henkhatin thil tih theih loh nia an sawi chu thu dik lo nia sawiin, hei hi awlsam tea tihhlawhtlin theih a nih thu a sawi a, kuthnathawktute thlai thar lei hi tunhma a\anga State tam zawkin an tih dan a ni a, ZPM chuan kut hnathawktute deh chhuah man man taka hralhna ngaihtuah sak chu an thil ngaihpawimawh a ni dawn niin a sawi a ni.
