Vawiina Aizawl Press Club-a thuthar lakhawmtute an kawmnaah Pu Lalliansawta chuan, ECI remtih angin ZPM chu tun thla ni 3 khan tual\o Party pakhat anga ziahluh an ni ve ta tih a sawi a. Mizorama Political Party zingah a naupangber ni mah se, MLA 7 neiin, eptu party zina a lian ber an ni mek a, nikuma Assembly inthlanpui neih \um khan an la inpeih lo hle a, Movement anga chauha inthlan an hmachhawn chungin bial 8-ah an chak a, bial 10-ah pahnihna an ni thei chu thil lawmawm tak a ni tih sawiin, tunah chuan ZPM chu Political Party pakhat angin Sorkar kalphung thar din tur leh Party kalphung pawh danglam tak ni turin an inbuatsaih thei dawn ta a ni, a ti a. Tunah chuan kum 2023-a Assembly inthlanpui hmachhawn turin inbuatsaihna hun kum 4 zet an la nei a, Mizoram mipuiten an beisei Sorkar \ha neih a nih ngei theihna hmanrua nih ngei an tum dawn tih a sawi.
Zawhna chhangin ZPM hruaitute chuan, Party pakhata inchhunzawm chungchangah tunah hian MPC chu an nghah mek thu leh tun hnaia Party hruaitu thar an thlante chuan thutlukna duhawm tak an siam thuai an beisei tih an sawi a. Hemi chungchang hi Committee rel tur a nih angin mipakhatin thutlukna a siam mai theih a ni lova, MPC Party chhungkuaah ZPM-a innchhun khawm duh pawl leh duh lo pawl an awm nia sawi pawh thudik tawk lo a nih thu leh inchhun khawm hi Committee-in a la ngaihtuah loh hrim hrim avangin tun dinhmunah chuan engmah sawi lawk theih ala nih loh thu an sawi. ZPM hruaitute chuan, an pawla tel pawl hrang hrangte chu ZPM-a inchhun khawm tura rawtna an pek vek tawh thu leh pawl 5-in an remtih thu dawn a nih tawh thu an sawi a, MPC bik chu Political Party hlun an ni a, an tan awlsam taka thutlukna siam mai theih a nih loh avangin an ngaihchan mek thu an sawi.
