He thu hi Aizawl North III huam chhung, Edenthar venga ZPM campaign office vawiina a hawnnaah Dr. Kenneth Chawngliana chuan a sawi a, Candidate zingah thubuai nei, Supreme Court thu anga tarlan nei tur an awm nual chunga vawiin thlenga la tarlang awm lo te chu pawi an tih thu sawiin, candidate chuan he thupek hi zawm thei se an duh tih a sawi a ni. ZPM Sr. Vice Chairman chuan, thu dik lo phuahchawp hmanga MNF-in Pamphlet an siam chungchangah CEO-in Show Cause Notice a pe chunga ZPM Chief Minister Candidate thlalak leh BJP Symbol chuan dunna lehkha MNF in an thehdarh chhunzawm zel chu at thlak a tih thu a sawi a ni.
Aizawl North – III ZPM Candidate, Pu Lalhmingthanga pawhin, an khingpuite chu khawvel thila ropui leh lar zawk ni mah se, ram tluchhe mek dinthar tur leh Mizo hnam leh Kristianna tung ding tura hmalak duhtu ZPM chu vote \heuh turin mipuite a sawm a ni. He inkhawm hi Aizawl North – III Block ZPM Steering Committee Chairman, Pu R. Lalchawia’n a kaihhruai a, Edenthar MPF Local Forum Vice Chairman, Upa Lalhmuchhuaka’n hunserh a hmang a ni.
