Vawiina an Party chhung inkhawmah thusawiin, Dr. Kenneth Chawngliana chuan, Party \henkhat chu BJP duh dan tipuitling tur an ni theih avangin Mizo mipuiten ngaihtuahna fim an hman a \ul hle tih a sawi a, thla leh maia India ram puma Lok Sabha inthlanpui neih turah BJP-in thuneihna a chang a nih chuan Citizenship Amenment Bill, 2016 chu thar thawh a nih tur thu BJP President, Amit Shah-a’n a lo sawi tawh tih sawiin, hetiang hi thil awm dan a nih avangin Mizo mipui zawng zawngin he inthlannaah hian BJP leh a sangawizawnpuite an vote tlin loh a tul \akzet niin a sawi. Dr. Kenneth Chawngliana chuan, ram puma mipui pun chak lamah Mizoram chu pathumna a nih thu sawiin, hei hi dan lova Mizorama lo lut Chakma leh Tuikuk-te vang a ni ber a, chuvangin ngaihthah mai mai a hun tawh lo tih a sawi a. Mizorama sorkar awm tawh zingah Brig. |henphunga Sailo kaihhruai PC Sorkar chu dan lova Mizorama lo lutte chungchanga hmalatu awm chhun a la ni a ti.
ZPM Sr. Vice Chairman chuan, Mizo zinga thuthar thehdarh kawnga sulsutu leh thawhhlawk tak, thu leh hla lama Mizoram mipui hriat, Pu RK Lianzuala, Zonet Pvt. Ltd. Managing Director in hun lo taka chatuan ram a pansan chu an ui thu leh Zofate tan channa nasa tak a nih thu a sawi bawk. ZPM chhung inkhawm hi Steering Committee Chairman, Pu Lalliansawta’n a kaihruai a, hemi hnu hian ZPM Legislature Party leh Caucus member te thil pawimawh ngaihtuahin an \hukhawm a. Lok Sabha inthlanpui neih tur leh Aizawl West I biala Assembly Bye-Election neih tur chungchang an thlir ho a ni.
