He thu hi vawiina Aizawl Press Club-a thuthar lakhawmtute a kawmnaah sawiin, Dr. Kenneth Chawngliana chuan, ZPM hian Politics lungphum pathum innghahna a nei tih sawiin, chungte chu – ram a him tur a ni tih te, hnam a him tur a ni tih leh sakhua a him tur a ni tih a ni a, heng thil pathumte hi nghet taka vuantu an nih avangin BJP chu engtikah mah an thawhpui ngai dawn lo nia sawiin, ZPM candidate-te hian independent-in inthlan chuh mah se, khawiah mah an peng dawn lo niin a sawi. Dr. Kenneth Chawngliana chuan, khawi state-ah pawh rorel lai party-te chuan dik lo leh chak lo taka ro an rel chuan mipui \angrualin hneh takin an paihthla mai \hin nia sawiin, kumin Mizoramin inthlanpui a hmachhawn turah pawh hian ZPM chu thilmak thlen tirin Sorkar thar an siam ngei dawn niin a sawi a. Rorellai Congress party-in tualto party tla tawh an dingchhuak leh ngai lo anga an sawi pawh thu belhchhiandawl lo nia sawiin, India ram state hrang hrangah tual\o party tla tawh ding chhuak leh an tam hle niin a sawi a ni.
