Vawiina an pawl chhung inkhawmah thu sawiin, ZPM Sorkar chu a danglam dawn a, Chief Minister-in hna chanpual bik nei lova Minister-te hna a enpui dawn avangin sorkar hna khaihlak a awm ve tawh dawn lo niin a sawi. Pu F. Rodingliana chuan, ZPM-in sawhthing a lei tur thu a sawi ringhlel an awm chu Mizorama Sorkar awm tawhten dik taka ro an rel loh vang niin a sawi a, tuna ZPM hruaitute chu sorkar awm tawhte kaihruaitu ang mai mai an ni ve lo tih mipuiten hria se an duh thu leh sawhthing chu an lo intiam tawh anga an lei ngei tur thu a sawi. Hemi atan hian ruahmanna hrang hrang kalpui tawh niin, a leina tur sum hmuh dan tur pawh ngaihtuah fel vek a ni tawh tih a sawi.
ZPM Senior Vice Chairman chuan, Unit an neih loh avanga sorkar a harsat tur thu mi\henkhatin an sawi \hin chu thil an hriat chian tawk loh vang niin a sawi a. Unit system chu hnamdang, chi hrang hrang inthliar zingah kalpui a ngaih vanga kalpui mai a ni a, Mizote chu hnam dang anga inenhrang an awm ve loh avangin Unit system neih ve kher a ngai lo niin a sawi. He inkhawm hi ZPM Secetary, Pu R. Zatawna’n a kaihhruai a ni.
