Vawiina ZPM chhung inkhawmah thu sawiin Pu K Sapdanga hian Congress party chu Delhi-a tlawhchhan tur an \iavai tak avangin Mizoram-a Congress mipui tam zawk chuan MNF belhbul ngawt chu an hreh si a, ZPM an ngaihven ta a ni a ti a. Thingtlang lamah Congress hotuten an mite ui behna atan, ZPM nena thawh ho tur thu an sawi a, hei hi a darh chak em avangin, ZPM a mal din tur thu chu puan a ngaih phah a ni a ti a. Congress-in an mite ui behna tur remchang an siamsak chuan, anmahni bawk a tuartu tur an ni leh dawn tih chu ZPM hotuten an hria a, ZPM mal din tur thu puan thuai a \ul phah a ni a ti.
Pu K Sapdanga hian ZPM innghahna lungphum nghet tak chu Kalphung thar-Mipui sorkar a ni tih a sawi a, ZPM-in kum khat awrh MLA a la nei chauh chungin Aizawl khawpuia ZPM tlinna bial 6 leh Thingtlang lama ZPM tlinna bial 2-ah te an MLA ten an fund hmanga hna an thawh chu hmuh theihin a langsar nghal a ni a ti a. ZPM MLA-te chuan an Development Fund neih te Mipui tan an hmang zel dawn a. Party Fund atan cheng khat pawh pawhhek an tum ve lo a ni a ti a, Unit nen inthuruala sum siam nana hman pawh an remti lo tih sawiin Mipui lungawina thama hmasawnna hna thawh zel an tum tih a sawi.
Pu K Sapdanga hian khawvel tiralkheltu Covid-19 hripui laka invenna hmanrua leina tur sum pawh sorkarin a nei hlei thei lo niin a sawi a, mipui zirtirna tur publicity fund-ah pawh state sorkar a buai hle nia sawiin. \henawm state vela phuahchawp Kut huaihawt nana cheng nuai za tel khawhral takte kha a uiawm hle a ni a ti bawk.
