Kumin August ni 26-a Val Upa Council-in an party hruaitu lailawk tur a ruat a\anga thla hnih chhung party anga a kal chhungin ZPM chuan thil tam tak an ti hman tih sawiin, Pu K. Sapdanga chuan, ZPM MLA-ten pawisa tlem chung chungin an bial-ah \heuh hna an thawk nasa hle a. Tun hmaa MLA-ten an awmna Party-a party fund-an chhunluh \hin ang kha duh ve lovin an bialah \heuh kut tling taka an hnathawh hmuh tur a awm chu a lawmawm hle a ni, a ti a. Heng an hnathawhte hi an Party \halaiin a bu-in an siam dawn a, mipuiten zau zawka an hmuh theih nan pho chhuah a ni dawn tih a sawi.
Pu K. Sapdanga chuan, BJP chu State tam takah rem leh rem lo pawh thlu lova sorkar siam \alh tumah puhin, tunhnaia Maharastra Politics chirti tak karah pawh Shiv Shena leh BJP thawk dun chuan seat \hahnem tak la mah se, BJP lamin CM dinhmun an phut avangin sorkar siam thei lovin hun engemawchen an awm a. Congress, NCP leh Shiv Shena thawk hovin sorkar an siam mai dawna a lan hnuah BJP leh NCP chuan Inrinni zing dar 5:57 khan sorkar an siam ta rum rum mai a. BJP hian State tam takah sorkarna a lei pawp pawp a, an party awm lohna tual\o party MLA te pawh an lei a zel a. Mizoramah pawh inthlan hma ni 8-ah khan Helicopter sen kha lo thlawk lo se tuna Mizorama rorel khawl pawh hi a danglam a rin thu a sawi.
He inkhawm hi ZPM Vice President, Rev. Darchungnunga’n a kaihruai a ni.
