Pu Liansawta hian sorkar-in sum a harsatzia hre reng chungin state pawna tangkhang mek zingah a thei apiangte chu an chhungkaw sum a\anga an intuamhlawmna tur thawn hram tum turin a ngen a, Bank an inhawn vek avangin inkharkhip loh lai pawha mahni fate leh chhungte pawisa thawn thei tho tur ang chi chu sorkar tibuai lova awm tum hram turin a ngen a, hri leng mekin engchen nge a awh dawn hriat a nih loh avangin an sum leh pai neih chhunte renchem tak leh awmze nei taka hmang tur leh Mizo tlawmngaihna vawng nung chunga \angrual turin mipui a sawm a, hripui reh hnuah state budget chu mipuite la hman ho leh vek tur a nih avangin sum neih chhunte awmze nei taka hman a \ul hle a ni, a ti.
ZPM President hian Mizoram sorkar pawh ram pawna tangkhang mekte \anpuina pek chungchangah inkaihhruaina fel tak siam a, an chhungten pawisa an thawn theih loh tak takte chauh \anpuina pe turin a ngen a, hmun hrang hranga tangkhangte Mizoram sorkar \anpuina a pek dan tur chungchangah Mizo society-a tel ngai lote chungchang sawi rik awm chu Hnam Issue lak vâwng hun a ni lova, Mizoram mi leh sa zawng zawngte chu harsatna an nei a nih phawt chuan a hnam zawnga inthliar lovin, Chakma, Tuikuk leh Vai pawh ni se Mizoram mi an nih chuan \anpuina pe vek tur leh Mizoram mi ni lo zingah pawh Zo hnahthlak te chu \anpuina hi a kep theih apiangte kep zel ni se a duh tih a sawi.
Ramri ven chungchangah pawh Pu Liansawta hian Village Level Task Force-te hah taka duty tir lova Sorkar laipuiin inkaihhruaina dan a siam anga Mizoram Sorkar-in Sipai a neihte uluk taka Duty tir mai \ha a tih thu a sawi a, Mizoram Police-te an indaih lo a nih pawhin sorkar laipui hnenah sipai pek belh tura ngen mai ni se \ha a tih thu a sawi.
Hri leng donaa hmatawnga awm Medical, Transport, Essential Commodities Supply Chain, Administration leh Security zingah hri vanga nunna chan an lo awm palha tuam hlawmna atan sorkar-in insurance \ha tawk tak tihsak se a duh tih Pu Lalliansawta hian a sawi bawk.
