He thu hi vawiin a ZPM office-a Chhung Inkhawmah sawiin, Pu Lalliansawta chuan, Mizoramah rorelna dik, kalphung thar, Mipui sorkar din duh tam tak an awm a, Mipuite duhsakna leh khawngaihna avangin MLA bial 8 laiah hnehna an chang tih a sawi a, a hnu reilotea Lok Sabha member inthlanah anmahni duhsaktute rilru tina zawnga thawhpui an nei chu pawi an tih thu sawiin, mipui rilru an tihnatte hnenah ngaihdam an dil tih a sawi.
Pu Lalliansawta chuan politics kalphung dik lo avang leh induhsakna hleihluak avangin kuthnathawktute an rum mek tih sawiin, anni chhanchhuak tur hian ZPM chuan an policy chu nghet takin an keng zel dawn a ni a ti a, Leilung leh a chhunga awm zawng zawngte Lalpa ta a ni a, Lalpa ta chu Lalpa mite enkawl tur a ni, a ti a. Enkawl tlak ni turin ZPM chu chhung lamah an inthen thianghlim a ngai a ni a ti a, an lamah Lalpa a tan ngei theih nan ama lamaha an \an a \ul tih a sawi. ZPM Chhung Inkhawm hi Consultant Pu K. Liantuala’n a kaihruai a ni.
