ZPM chuan khaw tin leh veng tinah ZPM unit din tura hma an lak rualin, party neih kher \ul ti lote zalenna pek pawh an tum niin a sawi a, ZPM chu party nei ve lo te Inpui ni turin an tuaihnum mek niin a sawi. Pu B. Lalchhanzova chuan, Mizorama Sorkar awm tawh leh awm mek chuan an sorkar a piangin mipuite chu chi hnihin an \hen \hin a, chu chu an party mi leh sa leh an party mi ni lote an ni a ti a, hetiang kalphung hi ZPM chuan a kalsan dawn a ni a ti a, Assembly inthlanpui neih zawh taka ZPM-in bial riat laia hnehna a chang chuan mipui duh leh hawi zawng a ti lang niin a sawi bawk. ZPM chhung inkhawmah hian ZPM MLA 3- Pu Andrew H.Thangliana, Pu V.L.Zaithanzama leh Pu Lalchhuanthanga te pawhin thu an sawi a ni.
