Vawiina Aizawl Press Club-a thuthar lakhawmtute an kawmnaah an pawl hruaitu, Rev. Darchungnunga chuan, tun hnaia MNF Gen. Headquarters Media, Publicity & IT Monitoring Cell-in ZPM leh BJP an thawk ho dawn em tih thupui hmanga Congress pawh nek tela Copy nuai 1 thuxiak an semah ZPM chu BJP nen thawk ho tur anga ngaih theih zawng thu an ziak chu \ha lo an tih thu sawiin, ZPM a tel zinga pawl pahnih ZNP leh MPC chu tun hmain BJP nen an lo inbe tawh a ni mai thei a, hei hi ZPM pian hma a nih avangin an ni nen inkaihhnawihna engmah a nei lo niin a sawi a ni. Rev. Darchungnunga chuan, ZPM Val Upa Council-in BJP thawhpui chungchang hi Pu Lalduhoma an sawipui tawh thu leh rinhlelh zuina tur a awm lo tih hriat a nih avangin Chief Minister Candidate-ah pawh ruat a ni tih a sawi a, BJP thawhpui chungchangah hian kumin May ni 2-a ZPM Steering Committee \hukhawm chuan ngaihtuahin inthlan hma emaw inthlan hnuah emaw BJP nen thawh ho loh ni se tiin thu an lo dah tawh niin a sawi.
ZPM Political Affairs Committee hotute chuan, bial \henkhat Siaha, Lawngtlai West leh Lawngtlai East-ah ZMP-in candidate an nei lo chu BJP Candidate ring anga mi\henkhatin an puh chu thu dik lo nia sawiin, heng bialah te hian ZPM-in candidate a dah vek a, MNF-in thu dik lo an vawrh darh mai a ni, an ti a. Palak bial bikah chuan vote nei si, foreigner an tam deuha ngaiin, candidate hi siam a ni lova, Tuichawng bial pawh NGO Co-Ordination Committee-in Political Party tin hnenah Chakma Candidate siam lo tura a ngenna avangin ZPM chuan NGO-te thu zawmin candidate an dah lo niin an sawi. Congress leh MNF chu CADC-a BJP thawhpui inchuhah puhin, ZPM chu BJP nen inhnamhnawihna a la nei ngai lo niin an sawi a ni.
