Pawl panga \angrual – Zoram Peoples’ Movement (ZPM) office thar, MPC office hnuaia mi chu vawiin khan ZPM Val Upa Council (VUC) Chairman, Pu Lalfak Zuala’n a hawng. ZPM office hawnna inkhawm hi Steering Committee Chairman, Pu Lalliansawta’n a kaihruai a, Pu Lalfak Zuala chuan ZPM chu thla khat awrh chauh a la ni chungin, a thawm a na hle tih sawiin, mipuiin an ngaihven chhan chu sorkar thar an duh vang a ni a, sorkar tura rintlak an ni ang em tiin an thlir \hup a ni, a ti a. |angrual pawl chu mipui rintlaka an awm a pawimawh thu a sawi. VUC Chairman chuan ZPM-ah mipuite’n rinna an nghah theihna tur leh mipuite’n an thil tum an hriat theihna atan office thar chu hman \angkai a pawimawh thu sawiin, Mipui sorkar, Zofate damna, himna, kalphung thar nei sorkar siamna atana hmanraw pawimawh tak a nih theihna atan an office thar tur chu lawm takin a hawng tih a sawi a ni. ZPM office thar hawnna ah hian pawl panga – Zoram Nationalist Party (ZNP), Mizoram People Conference (MPC), Zoram Exodus Movement (ZEM), Zoram Democratic Front (ZDF) leh Zoram Reformation Front (ZRF) hruaitu \heuhte pawhin thu an sawi a. ZDF President, Rev. Darchungnunga chuan Mizoramah party politics leh sorkarna kalsualpui nasat a nih avangin, sakhuana lama rawngbawltute an intel khawm nia sawiin, a kalphung a dik loh avanga politics chu ral thlir zel a nih chuan, a chhiat zel dawn si avangin siam \hat hna ngaihtuah chunga luhchilh ve a ngai niin a sawi.
ZRF President, Pu H. Zosiamliana pawhin, mahni inhaivur leh chhung leh khatte duhsak tura ding an nih loh thu sawiin, Mipui sorkar \ha tak, sorkara telve lote pawhin hamthatna an chan ve theihna tur siam tuma ding an nih thu a sawi a, sorkar thar siam ngei tura theihtawp an chhuah ho a pawimawh thu a sawi. ZEM Gen.Secy, Pu K. Sapdanga pawhin Assembly inthlanah mi tam takin phur lo takin vote an thlak \hin tih sawiin, mipuiten pawl pahnih an buk a, thlan chak zawk an neih loh avanga phur lo mai an ni a. Kum 2018 MLA inthlan a\ang chuan, mipuiin phur takin vote an thlak tawh dawn niin a sawi a, mipuiin vote an thlak chhan tur chu sorkar \ha, hnam himna thlen tur, mipui sorkar din theihna kawng a inhawn tak vang nia sawiin, an hotuten common programme an duan mek thu a sawi. Tangrual sorkar chuan sum hmangin kawngpui tak tak an siam dawn nia sawiin, kawngpui hmanga sum siam an tum ve lo niin a sawi a, hetiang bawk hian Hydel Project hmanga sum siam loin, sum hmangin tui an khuap tak tak dawn nia a sawi b^kah, Anticipatory bail lak ngai lo chi-a Kawlphetha siam an tum thu a sawi.
MPC President, Pu Lalhmangaiha pawhin thawhpui \ha tak nei turin an party chuan kum hnih vel kawng an dap tih sawiin, thawhhona atana ke pentute chungah lawmthu a sawi a, an \hahnemngaihna avangin kawl a eng nia a hriat thu leh, sorkar thar hmuh ngei an beisei thu te, inthurualna leh zai khata luan a pawimawh thute a sawi bawk. ZNP President, Pu Lalduhoma pawhin kum 2018 inthlanah sorkarna changin, pawl panga ni tawh loin, pakhat chauh ni tawh tura ngaihtuahna a sen tawh thu sawiin, party pahnih sual inpuansak ringawt hrawn hi a ninawm tawh a, sorkarna siam tur chuan Pathian malsawm tlaka hnathawh a pawimawh a ni, a ti a. ZNP President chuan, tunah hian ZPM chuan sawi chhiatna a tawk nasa hle a, party pahnih hian min huphurh em avangin, kan chanchin an ngaihven em em a. Kawng tinrengah kan fimkhur tawn a, kan intihchak tawn a pawimawh a ni, a ti bawk.
