ZPM Legislature Party Dy. Leader, Aizawl North I bialtu MLA, Pu Vanlalhlana leh Aizawl West III bialtu MLA Pu VL. Zaithanzama te hian Kolasib District-a Vairengte, Buhchangphai leh Phaisen-a duty-na hmun an tlawh a, Vairengte-a Assam lam atanga lirthei lo lut tihthianghlimna hmunah tun aia uluk leh zuala lirthei tihthianghlim tula an hriat thu an sawi, a hmuna mawhphurtute an sawipui nghal a ni. Pu Vanlalhlana leh Pu VL. Zaithanzama te hian Kolasib Bawrhsap, Dr. H. Lalthlangliana pawh an kawm a, ramri ven chungchanga rawtna an neihte an sawipui nghal a ni. Buhchangphai leh Phaisen rama ramri vengtute buk tlawhin Silpoulin, kut silna leh tanpuina tangkafai an hlan a ni.
Aizawl South I bialtu MLA, Pu C. Lalsawivunga pawhin Myanmar ramri Tiau chheh vela duty-na hmun a tlawh kual a. Vawiin khan Farkawn rama ven buk tlawhin, Police indaih lohna phuhru turin Police tam zawk dah \ul a tih thu a sawi.
Pu Sawivunga hian khaw hrang hranga Local Task Force duty-te hnenah hmai tuamna, kut kawr, kut silna leh Silpouline bakah tangkafai tanpuina a pe a ni.
ZPM Legislature Party Secretary, Aizawl North II bialtu MLA Dr. Vanlalthlana pawhin khawthlang lama Langkaih lui dunga ramri vengtute a tlawh a, hri laka Duty-te invenna tur hmanraw hrang hrang leh tanpuina tangkafai a pe a, naktukah Bairabi lama ven buk hrang hrang a tlawh leh ang.
