Vawiina an pawl chhung inkhawmah Pu Lalchhuanthanga chuan, MNF kaihhruai sorkar-in kum khat em pawh a la tlin hma leh District pathum a siam tharte function-na tur pawh a la awm loh laia hmanhmawh taka MLA-te hlawh a tipung chu awm lo a tih thu a sawi a. MLA-te chu an hlawh tur hre saa in Candidate an ni a, hetianga hlawh tihsan phut leh tur chu in Candidate loh mai awm nia a ngaih thu a sawi. Pu Lalchhuanthanga chuan, MNF hian Congress sorkar kha ‘Nuamtawl Sorkar’ tiin an dem nasa \hin hle tih sawiin, tunah an han sorkar ve ta cheng a, Budget-ah Council of Minister hman tur zaa 40-a tihpun nghal a ni a, Budget hi mipui ta tur a nih laiin sorkar hian a ren lo hle a, tunah hian Mizoram sorkar-in leiba a neih zat chu Rs. vaibelchhe 8,847 bawr vel a ni a, Mizoram mipui, nausen pianghlim thlengin mi pakahatin Rs. 70,000 vel ba ang an nih laia, MLA hlawh tihpun hi mipangngai btan chuan thlawp chu a nih loh avangin ZPM MLA-te chuan an thlawp ve ta lo reng a. Tunah hian MNF MLA zingah MLA fang an awm tawh lo a, Board hrang hrang Chairman leh Vice Chairman an ni vek tawh a, chung ho chu Minister of State dinhmun pek vek niin, an mahni enkawlna senso hi a hautak hle dawn a, hetiang hi thil awm dan a nih avangin MNF tluka nuamtawl sorkar hi a awm thei chuang lo tih a sawi.
