ZPM MLA-te hian tunlaia Social Media a sawisel hlawh tak, Falkawn Referral Hospital ICU Ceiling chhia te, Paediatric leh Ortho Room chung leh bang chhia nia sawite nimin khan an enfiah a. ICU chung Celing tla mek chu damlo leh thawktute tan pawh a hlauhawm khawp a ni, an ti a. Hemi avang hian ICU chu hman chhunzawm theih a ni tawh lova, ICU-a khum 20 awm zinga 19 chu rauhsan tawh niin, tunah hian lohtheihlohna avanga Ventilator hmanga enkawl mek pakhat tih loh chu hman a ni tawh lo a. Paediatric leh Ortho Ward chung leh ICU chung hi tui a luh nasat avangin damlo ten harsatna an tawk nasa hle a. Paediatric leh Ortho Ward chungah phei chuan thosilen zarna tura siamah Silpouline zar a ni hial tih an sawi.
Aizawl North I bialtu MLA, Dr. Vanlalthlana chuan, Mizoramin Medical College a neih chhun ZMC chu tihchangtlun a \ul tak zet a ni, a ti a. Hnathawktu leh zirlai te tan hmanraw \ha ngaihtuah a \ul thu leh Mizoram Sorkar chu an ngenna ngaithla a, rang taka hmala nghal tura a beisei thu a sawi.
Aizawl South II bialtu MLA, Pu C. Lalchhuanthanga pawhin Sorkar hmasa-in Medical College an din, MIMER hming Zoram medical College tia thlak chu hma\hatna hmuh bel tur awm chuang lo a nih avangin thil \ul lo nia a hriat thu a sawi a. A tihchangtlunna lam ngaihthah reng a nih chuan hun lo kal zel turah Mizoramin Medical College a neih chhun hian harsatna a tawk ang a, an la chân mai ang tih a hlauhthawnawm hle a ni, a ti.
ZPM MLA-te hian ZMC Director, Dr. L. Fimate pawh an kawm a. Medical College leh a behchhan damdawi in-in harsatnna an neihte an sawipui a. Dr. L. Fimate chuan, Mizoram chhung a\ang ringawt chuan zirtirtu duh thusam an awm reng theih dawn loh avangin State pawn a\anga mithiam zawk hip lut tura \anlak a \ul hle tih a lo hrilh a. Medical College awmna chu Aizawl a\anga a hlat deuh bakah hmanraw duhthusam te, intihhlimna hmun te, Inddor Statdium leh sumdawnna hmun engmah ala awm loh avangin zirtirtu \henkhat chuan hna an thawh chhunzawm duh loh chang a awm niin a sawi a. Hun lo kal zelah zirtirtu neih zat tur tlin loh vanga Medical College hmalam hun thlenga harsatna awm thei a nih avangin a tihchangtlun kawngah \anlak a \ul hle tih a lo hrilh a ni.
Falkawna State Referral Hospital-ah hian Power Supply Line \hat tawk tawh loh vangin khawl man to tak takte chu hman hlehthieh a nih loh bakah Major Operation tih ngai leh damlo ICU-a dah zui ngai te phei chu an khawih ngam loh phah \hin niin ZPM MLA te hian an sawi a, an tlawh chhung pawh hian Power supply \um 6 zet a khaihlak hman niin an sawi. MLA pahnihte hi ZPM hruaitu engemawzatin an \awimawm a ni.
