Pu Lalnghinglova Hmar hian vawiin khan khaw chhak lam tlangdung khaw hrang hrang a tlawh a, Mizoram hmasawnna atan ramria insumdawntawnna border trade chu thil pawimawh tak a nih thu sawiin, khawchhak tlangdung tana pawimawh em em Indo-Myanmar Border Trade pawh a nihna anga a kal loh chhan zawng chhuaka a bawhzui tur thu a sawi. Champhai a Thuthar lakhawmtute a kawmnaah journalist te ham\hatna chu a ngaihpawimawh tur thu sawiin, MP a nih chuan journalist-te tan sum leh pai lam emaw, service ang zawng pawhin pawh luh tur tam tak a awm a rin thu a sawi a, chanchinbumiten zau zawka thil an zir theihna tura thil pawimawh training leh Press tour ang chi te pawh buatsaih dan an zawn tur thu a sawi. Pu Lalnghinglova Hmar hi ZPM Leader, MLA Pu Lalduhawma leh Congress party hruaitu ten an tawiawm a ni.
