Larsap thusawi chungchanga lawmthu sawina motion sawi honaah thu sawiin Dr Vanlalthlana hian Larsap thusawi-a kum kalta-a Mizoram sum leh pai dinhmun \hanna zaa 14.82 tih awm chu thu dik lo a ni a ti a, thupha chawi ngam \ul a tih thu a sawi. Dr Vanlalthlana hian Larsap thusawia sum leh pai dinhmun \hanna anga tarlan chu nikum lam Economic Survey ami lak chhawn mai a ni a ti a, sorkar sum dinhmun \hanna tarlannaah Current price ni lovin Constant price zawk hman tur a ni a, a dik tak zawk chu zaa 9 vel chauh a ni a ti.
Vawiina Assembly House-a pharh tak, Economic Survey 2019-2020 a tarlan danin, khawvel pumah sum leh pai dinhmun a tlakhniam laiin Mizoram dinhmun chu a \ha thawkhat nia tarlan a ni a, Current price-a chhutin State sum thawh chhuah GSDP chu 2018-19 chhungin cheng vbc 22240.57 ni tura chhut a ni a, kum hmasa lam 2017-18 chhung atana chhut lawk cheng vbc 19328.64 aiin a tam zawk a, a punna hi zaa 13.04 a ni tih tarlan a ni a, sorkar pawisa kum kal mekah pawh zaa 12.25-a pung tura chhut lawk a ni.
Hei bakah hian Mizorama mimal tin sum thawh chhuah zat per capita income chu 2018-19 ah cheng 1,68,626 ni tura chhut a nih thu leh hei hi sorkar kum hmasa lama chhut cheng 1,46,765 aia a tam zawk thu pawh Economic Survey ah hian tarlan a ni.
