Vawiina an Party chhung inkhawmah Pu Lalduhoma chuan, BJP kaihhruai sorkar-in ram khua leh tui nih theihna tur dan thar, Citizenship (Amendment) Bill, 2016 a duan chu an duh loh avangin BJP kaihhruai sorkar paihthlak chu thil tih makmawh a nih thu a sawi a, hmarchhak bialah phei chuan tualto party leh BJP sangawi zawnpui \henkhatten he Bill an duh lohna leh dodalna avangin BJP an thlawpna a\angin an in hnukdawk chho mek zel a. Mizoramah pawh hian BJP leh a sangawizawnpui-te hi mipuiten an hnawla, hnam leh sakhua humhima a awm theih nan theihtawp chhuaha hmalak a \ul tih sawiin, hemi kawnga chak zawka ke an pen theih nan mipuite chu ZPM hmalakna \awiawm turin a ngen a ni.
He inkhawm hi ZPMGeneral Secretary, Pu Vanlalneiha Ralte-in a kaihruai a, ZPM in Party Registration a neih theih nana tun hnaia Delhi-a Election Commission of India dawra kal PAC member, Pu B. Lalchhanzova’n an thil buaipui dan a sawi a, Election Commission of India (ECI) hotuten \ha taka an lo dawnsawn thu leh phalna an pek thuai a beisei thu a sawi a ni. ZPM chhung inkhawmah hian nimin tlaia Biate damdawi in-a thu Pu L. Malsawma Kawlni an sun a, ZPM Sr. Vice President, Dr. Kenneth Chawngliana’n Pu L. Malsawma Kawlni chanchin a sawi a ni.
