Thuchhuah a siamah Pu Lalduhoma hian, Mizorama COVID 19 a len lohna tura sorkar leh Task force hrang hrangte thu an zawm \ha tlangpui nia lang chu thil \ha tak a ni, a ti a. He hri laka Mizoram a him theih nana Sorkar hmalakna kal mek piah lamah hian chak zawka hmalak turin darkar 24 chhung duty-na tur Control Room siam ni se a duh thu leh heta duty tur hian a \ul a nih phawt chuan amah pawh a inpeih thu a sawi. Pu Duha chuan, Sorkar-in inkharkhip a puan hma tun thla ni 9 a\anga ni 18 chhung khan Lengpui Airport a\anga hnam dang lo lut mi 438 an awm nia hriat a nih thu leh chung zingah chuan vai contractor leh supplier engemawzat an awm nia hriat a ni a, heng mite hian office hrang hrang an dawr kual nasa hle nia sawi a ni, a ti a. Mizoram pawn a\anga Mizo lo lutte quarantine an nih laia hnam dang lo lutte quarantine an ni ve lo nia hriat a nih thu leh vanneihthlak taka vawiin thlenga Mizoramah Covid-19 vei finfiah an la awm lo nia hriat a nih avangin State pawn a\anga hnam dang lo lutte hi natna veina ram tanga lo kalte an nih zawk avangin sorkar hian ngaihthah lovin bawhzui ngei se \ha a tih thu a sawi a, Mizoram sorkar chu a theih dan kawng kawnga COVID 19 test-na khawl hmun tur buatsaih nghal tura ngenin, a \ul a nih chuan SEDP pawisa pawh pawt peng mai turin a ngen bawk.
Tunah hian Mizoram pawnah zirlai, sumdawng, damlo leh khualzin tangkhang engemaw zat an la awm nia sawiin, Pu Duha chuan, an zingah hian chenna mumal nei lo leh pawisa pawh nei lo tak takte pawh an awm a ni, a ti a. Mizoram pawna mangang taka tangkhang mekte tan Sorkar chu ruahmanna siam tura a phut thu leh inkharkhip chhunga ei leh bara mipuiten harsatna an tawh loh nan MLA-ten an bialah \heuh theihtawp an chhuah dawn tih sawiin, mipuite chu chiai lo turin a ngen a. Miharsa zualte chhawmdawlna tur sum Chief Minister Relief Fund a chhunluh tumte Chief Minister-in a lo dawnsak thei lo tih hriat a ni a. Heng mi harsate chhawmdawlna tur sum thawh duh hi mi \hahnem tak an awmin a lang a. Tun thlenga chutiang chhawmdawlna tur sum thehluhna mumal tak sorkar-in a la ruahman lo chu a pawi hle tih sawiin, Pu Duha chuan, Samari mi\haten he rawngbawlna hi an kalpui \an tih hriat a ni chu a lawmawm hle a ni, a ti a. He hrileng mek lakah hian mipuite an him theih nan Isua Krista Thisen chu an himna a nih avangin an kawngka biangah tat \heuh tur leh sima an damna Pathian au turin a sawm a ni.
