Thuchhuah a siamah Pu Duha hian, mipuiin ei leh bara harsatna an tawh loh nana COVID 19 Vegetable Supply Chain hmanga Mizoram hmun hrang hranga thlai thar lei a ni chu \ha a tih thu a sawi a. Hetihrual hian heng thlai thar lei nana Mizofed sum hman a ni chu a \hat viau rualin, mi inphalten CM Relief Fund-a sum an thawhkhawm ruih ruih chu thlai thar lei nan hian hman ni se, sum hloh a awm a nih pawhin sorkar sum hmanga hnawhkhah leh mai ni se \ha a tih thu a sawi.
Pu Duha hian, Delhi-a Islam sakhaw zuitute inhmuhkhawmna a\anga COVID 19 hri darh nia sawi chungchangah hmarchhak bial mi an awm nual nia a lan avangin State dang nena inrinna chu tun aia khauh leh zuala venhim \ul a tih thu a sawi a, Police lam an indaih vek lo a nih pawhin ramri-a awm khaw hrang hrangte chu an theih ang anga hmala turin a ngen a ni.
Covid-19 hrileng mekah MLA-ten sorkar kum kallaia Local Area Development Fund an neihte an hman zawh deuh vek tawh avangin, sorkar chu MLA Fund a rang thei ang bera pechhuak turin Pu Duha hian a ngen a, kawlphetha chhit man tihsan tumna awm mek chu tundinhmunah chuan a taka hmang rih lo turin a ngen bawk a ni.
