Vawiina Aizawl Press Club-a thuthar lakhawmtute an kawmnaah ZPM Legal Dept. Secretary, Pu Vanlalsiama Pachuau chuan, Supreme Court thupek hi Candidate ten an zawm leh zawm loh ngun takin an thlithai reng tih sawiin, Congress Candidate zinga thubuai pahnih Pu Lalduhoma leh Pu James Thanghmingmawia chuan, tualchhung chanchinbu darh zau The Zozam Times-ah an thubuai neih dan hi an tarlang a, hetih rual hian MNF candidate zinga thubuai neite chuan mipui nawlpuiin an hriat loh chanchinbu-ah an tarlang a, hei pawh hi phek hmalamah ni lovin phek hnungah a ni a, a len zawng pawh Supreme Court thupek aia te nia an hriat thu sawiin, Supreme Court chuan tualchhung chanchinbu darhzau berah phek hmalakah tar lan tur tih a nih laia hetianga chanchinbu lian pawh ni lova MNF candidate-ten an thubuai neih an pholang chu \ha lo an tih thu leh hei hi a \ul anga enfiah turin nimin khan Mizoram CEO an ngen thu an sawi a ni.
Pu Vanlalsiama Pachuau chuan, ZPM Chief Minister candidate, Pu Lalduhoma leh BJP chhinchhiahna chuandunna lehkha MNF-in an thehdarh chungchang CEO a an zualko hnua CEO-in insawihfiah tura a tihna an sawifiahnaa hemi chungchanga lungawi lohna thlentu ZPM Steering Committee Chairman, Pu Lalliansawta chu Legal entity nei lo anga MNF-in an sawi chu thil an hriatsual palh nia an hriat thu sawiin, India khua leh tui dik tak tan chuan eng thilah pawh lungawi lohna hi thlen theih tur nia an ngaih thu ZPM Legal Dept. Secretary chuan a sawi a ni.
