Pu Lalduhoma hian vawiin khan Seling, Keifang, Saitual, Dulte leh Khawzawl-te tlawhin mipui candidate, Pu Lalnghinglova Hmar tan a Campaign a. Heng khaw hrang hranga thu a sawinaah Pu Lalduhoma chuan, Lok Sabha inthlanah hian BJP leh MNF chu an thawk dun a ni mai lo a, thuhmun an ni tih sawiin, MNF an tlin chuan NDA-in MP pakhat an neih belh dawn a, BJP candidate thlan tlin nen a inang reng avangin ngaihtuah chian a ngai hle a ni, a ti a. India rama Hindu lal ram din tumtu BJP party chu MNF-in an thlawp ta mai chu mak a tih thu sawiin, hnam party inti tan thil tih chi loh nia a hriat thu a sawi a, tuna an kal mek dan chu an Party dintu, Pu Laldenga kha lo tho leh se a rilru a nat a rin thu a sawi.
Serchhip bialtu MLA, Pu Lalduhoma chuan, inthlan chi hrang hrang hmachhawn \hin a ni tih sawiin, hetah hian issue hrang hrang a awm \hin a, tuna issue chu zu zawrh leh sawhthing lei lam ni tawh lovin, Parliament House-a Mizo mipuite aiawha roreltu tur thlanna a nih tawh avangin Mizo mipuite tana thil him lo tak tak kalpui tumtu BJP lam \ang leh \ang lo buk a ni dawn a, hetah hia Mizo hnam chu humhalh a nih theih nan Independent Candidate Pu Lalnghinglova Hmar vote vek turin mipuite a sawm a ni.
