ZPM hian an Candidate tling mi 8-te pualin vawiin khan Treasury Square-a an pawl Pisa-ah inkhawm an buatsaih a, he inkhawmah hian thusawiin, Pu Lalduhoma chuan, ZPM chu pawl hrang hrang inzawmkhawm an nih avangin thil rel thluk an harsat a, candidate tur ruatfel chhung pawh a rei avangin an candidate-ten campaign-na hun an nei tlem a, hetiang a ni chunga mi 8 an tling leh, an candidate-te zinga tling teuh deuh deuh an awm nual chu thil lawmawm tak a ni, a ti. Pu Lalduhoma chuan, ZPM chu kalphung thar zuartu an ni tih sawiin, hetih rual hian Mizoram chu kalphung hluia awm a ni a, mipui pawhin kalphung hluia vote avangin hmalak a harsa hle niin a sawi a. ZPM hian kalphung thar an hman avangin an thawm a na lova, flag pawh an tar ve vak loh avangin mipuiten tling lo turah an ngaih phah niin a sawi. Tuna an dinhmun chu Pathianin a pek a ni tih sawiin, Pu Lalduhoma chuan, an party mite chu beidawng lo turin a chah a, kumthar maiah MP inthlan te, Bye Election leh VC inthlan a awm leh dawn avangin hetah hian hnehna an chan ngei theih nana tun a\anga theihtawp chhuaha hmalak \an a ngai tih a sawi.
Sorkar thar siam tura mipuiten an thlan MNF chu tun hmaa mite bawk kha an nih avangin mipuiten an inchhir thuai dawn niin Pu Lalduhoma chuan a sawi a. Kum 1 a liam hnuah chuan sorkar hi mipuiten an ning leh \an nghal dawn a, hetih hunah hian ZPM chu an pawimawhna an lang chho telh telh dawn tih sawiin, sorkar khalh ngiltu Oppostion \ha tak an nih theih nan hma an la dawn niin a sawi a. Mizoramah hian Sorkar dinglai an nin tawh chuan mipuiten party lian ber hmangin sorkar an thlak \hin avangin ZPM chu tun a\angin nghet taka an din a, rin tlaka an awm chuan an ni lo chu sorkar siam thei tur an awm lo tih sawiin, rorel lai party aia lian zawk an nih tawh avangin sorkar an siam tur leh tur loh chu an kuta awm a ni tih an hriat a ngai a. Inthlan dawn a ruaia bil vil chu chak taka hmasawn a harsat avangin tun a\anga \anlak a \ul a. Party pakhata an inchhunkhawm chu an tan thil \ha tak a nih tur thu a sawi.
He Inkhawm hi ZPM Sr. Vice Chairman, Dr. Kenneth Chawngliana’n kaihruaiin, MLA a tana thlan thar mi 6 bakah ZPM Leader Pu K. Sapdanga leh Val Upa Council Member, Pu Bualhranga pawhin thu an sawi a. ZPM a\anga MLA thlan thar hian vawiin khan ZPM Legislature Party an din a, Leader atan Pu Lalduhoma, Deputy Leader-ah Pu Vanlalhlana leh Secretary ah Dr. Vanlalthlana te an thlang a ni.
