ZPM Leader Pu K. Sapdanga’n ZPM candidate-te chu Pathian hmaa thutiam an nih avangin an thutiam chu tuman an bawhchhiat a rin loh thu a sawi. He thu hi vawiina an pawl Pisa-a inkhawmah sawiin, Pu K. Sapdanga chuan, khawvel dan hmaa bawhchhiate chu danin a hrem mai \hin tih sawiin, ZPM Candidate-te chuan Val Upa Council hriatpuiin Pathian hmaah chhia an chham a, party dang candidate ang lova Pathian hmaa rinawm tura intiam an nih avangin bawhchhia an awm a nih chuan rilru leh taksa an chungah Pathianin a hrem thei tih an hriat a ngai a ni, a ti.

Pu K. Sapdang chuan, ZPM chu Mizoram leh hnam siam\hat duhtu intelkhawm an nih angin inthlan hma leh inthlan hnu thlenga mahni sum senga theihtawp chhuah leh hlawkna hmuh beisei miah lova \hahnem ngai taka thawktu an nei chu an vannei hle a ni, a ti a. Hetiang hi an hmalak dan a nih avangin \halai tam ber leh zirlaite, party awn lam nei lote, sorkar hnathawk leh kohhran mipuiin sorkar tura an duh ber an ni a. Hemi piah lamah hian pachhia, rethei leh kuthnathawktuten sorkar tura an duh ber chu ZPM an nih avangin sorkar mai thei dinhmunah an ding a, hetih rual hian tla vek thei dinhmuna ding an nih bawk avangin an mahni \antu mipuite chu rilru chhel tak pu turin a chah a ni.

He inkhawm hi ZPM General Secretary, Pu Sanghluna’n a kiahruai a, ZPM Senior Vice Chairman, Pu Kennth Chawngliana pawhin thu a sawi a ni.