He thu hi vawiina an pawl chhunginkhawmah Pu K. Sapdanga chuan a sawi a. MPF leh leh Political party-in remna thuthlung an siam bawhchhe lo pawla an \ang thei pawh thil lawmawm tak a ni, a ti.
Pu K. Sapdanga chuan, Mizoram hmun tin a\anga \awngtaipuitu an ngah em em chu ZPM vanneihna ber a ni tih a sawi a, ram chu Lalpa ta a ni tih thupui hmanga kohhrante beihpui thlak programme chu an khingpui pawl pahnihte chuan anmahni beihnaah leh ZPM campaign-puinaah an ngai nia sawiin, ZPM in chanchin\ha nena inhal tlat inhriatna a nei ve lo chu an vannei hle tih a sawi.
Tun hnaia \angrual pawl zawm tharte chu an kalphung leh policy \ha tih vanga lut an ni zel a, chhan dang emaw, tlan tau luhkhawmna emaw an ni ve lo chu lawm tur an ni tih sawiin, Pu K Sapdanga chuan, tunah hian Campaign-in a vawrtawp a thleng chho mek a, \awngkam hriam leh ngeiawm taka beihnate pawh an tawk mek a, hetiang an tawng a nih pawhin |angrual pawl member-te chu Pathianah rinna nghat tlat tur leh, sawichhiatna an tawk a nih pawhin, tharum ni lo, thawkrimna hmanga \anla sauh zel turin a chah bawk.
