He thu hi vawiina Aizawl Press Club-a MJA member-te nen kumthar lawmna a tana inkawmhona an neihah sawiin Pu K. Sapdanga chuan Zoram chhung leh pawna Zofa zawng zawngte ZPM chuan kumthar chibai a buk a, chhungkaw tinte chu hmasawnna thar nei turin duhsakna a hlan tih a sawi bawk. Pu K. Sapdanga chuan, Mizoram Assembly inthlanpui neih zawh takah khan \halaiten tum neiin vote an thlak tih a hriat theih niin a sawi a, khawpuia lehkha zira awm, mahni khaw lama vote thlak tura haw te kha Mizorama kalphung thar, mipui sorkar din duhtute an ni a, hemi piah lamah hian ZPM Policy pu darhtute an ni nghal a, hemi bakah hian State pawna lehkha zir leh hnathawka awmten sum leh tha tam tak senga Mizorama vote thlak tura an lo haw leh lo haw ve thei lote pawhin an chhungte hnena ZPM vote tura an rawn hrilh hram hram chuan \halaiten ram rorelna \ha neih an duh tawh takzet tih a tilang chiang hle a, \halai rualawt em emte hian an duh tak sorkar kalphung thar chu la vote chhuak chiah lo mah se, Mizoram Politics-a \halaite rualawhna lo lang hian politics khelh a tiphurawm hle a, an beiseina pawh a chawk tho nasa hle niin a sawi. ZPM Leader chuan, Kristian sakhaw himna atana thawktu Kohhran hrang hrang rawngbawltu leh Hnam himna atana thawktu tlawmngai pawlten Politics dik tak an auchhuahpui avangin ZPM chuan lawmawm a tiin, a ngaihlu hle tih sawiin, heng an \hahnemngaihna hi a takah a la chang ngei ang tih chu an beiseina a ni a ti a, inthlanpui neih zawh takah khan ZPM chuan an duh leh beisei angin sorkarna siam thei ta lo mah se, bial 8 laiah an Candidate-te thlantlin an ni leh Opposition party lian ber a ni thei chu hlawhtlin bul\annaa an pawm thu leh lawmawm an tih thu sawiin, mipui beisei zat MLA an nei phak lo a nih pawhin mipuite thiam loh a ni lova, inthlanna atana inbuatsaihna hun an neih tlem vang leh thawktu indaih lohna vang a ni tih mipuiten pawmsak a, ngaidam turin an ngen tih Pu K. Sapdanga chuan a sawi a ni.
ZPM Political Affairs Committee member, Pu. B. Lalchhanzova pawhin ZPM chu pawl hrang hrang \angrual an ni tih sawiin, Zoram \hatna atana hma an lak honaah chak lehzuala ke an pen theih nan pawl pakhata inchhunfin thuai an tum thu a sawi a, hemi kawngah hian ZPM-a tel pawl hrang hrangte chuan harsatna an neih loh thu leh pawl pakhat anga lungrual taka hmalak thuai an tum thu a sawi a ni.
