Tuna Assembly inthlanpui hmachhawn mai tur State 5 chu nakkuma MP inthlan ruala inthlang ve tura Central sorkar-in a duh nachhan chu BJP tlahniam mek thupna tura ruahman a ni thei nia sawiin, BJP hian India hi Hindu rama siam a tum a, zaa 80 lai an nih sa avangin zaa 13 zet awm Muslim aiin zaa 2 chuang hret chauh awm kristian-te hi hnawk an ti zawk a. Hei vang hian sum hmanga Mizo Kristian sakhua nuairal turin politics hmanga min lak hi an tum tih hriat a ngai a. Hemi atana an hmalakna hian Pathian ngen a chhun a ni mahna, tunah hian an tlahniam \an mek niin a sawi.
Pu K. Sapdanga chuan, lungrual taka ZPM kal an hmuhin mipuiten an chungah rinna an nghat ta zel niin a sawi a. An mahni sawiseltuten inlungrual lo anga an puh \hin chu thudik lo a ni tih sawiin, duhsaktu an hming sawirem si lote an neih \hat avangin chak takin hma an sawn zel niin a sawi. He inkhawm hi ZPM General Secretary, Pu R. Malsawmtluanga’n a kaihruai a ni.
