He thu hi vawiina thuthar lakhawmtuten an kawmnaah he thu hi sawiin, Pu K. Sapdanga chuan, ZPM sorkar thar hnuaiah chuan zu an zuar dawn lova, kuthnathawktute lam hawiin, mi nawlpui hmasawnna lam an hawi dawn niin a sawi.
Zawhna chhangin ZPM Leader, Pu K. Sapdanga chuan, inthlan hma emaw inthlan hnuah emaw BJP nen thawk ho lo turin an pawl chuan thla 2 kalta khan resolution an lo siam tawh niin a sawi a. Tun \uma Mizoram inthlanpui neih tur hi ni danga politics tuipui ngai lo rawngbawltu te, chhungkaw nu leh \halaiten an ngaihven a vote thlak an phur tawh hle nia sawiin, hei hian mipuiten sorkar an duh zia a tilang chiang hle a ni, a ti a. Inthlan inbuatsaihna hrang hrangah ZPM chu Val Upa uapna hnuaia an awm avangin an inpumkhatna a \ha telh tel a, vawiin thlenga MPF zilh ngaia an awm lote chu an mahni duhsaktute \awng\aina vang nia an hriat thu sawiin, Pu K. Sapdanga chuan, ram hmasawnna atan leh retheihna laka mipuite chhanchhuak turin sum fai sem nge \ha ang kuthnathawktute thlai thar lei tih chu tun inthlanah hian buk a nih dawn avangin mipuite chu an ngaihtuahna ngun taka seng tur leh an chhia leh \ha hriatna thiang tak hmanga vote thlak \heuh turin a sawm a ni.
