Vawiina an pawl chhung inkhawmah Pu K. Sapdanga chuan, Party Registration nei tura hma an lak mekah ECI lamin inlan tura an koh angin kar kalta chhung khan ZPM MLA Dr. Vanlalthlana nen New Delhi an kal thu leh hetah hian tih tur an tuk zawng zawng an tih fel thu sawiin, ngaih\ha takin an awm mek tih a sawi. ZPM chu party an nih hma pawhin mipuiten MLA 8 an pe tih sawiin, Pu K. Sapdang chuan, tunah hian mipuiten ZPM party piang tur nghakhlel takin an thlir mek a, an kalna apiangah ZPM party pian dan tur zawhna an dawng \hin tih a sawi a. Mizoram pawn lama mite pawhin ZPM party piang tur hi an nghakhlel hle a ni, a ti. Sorkar awm tawh leh awm mekte lakah mipuiin an duh khawp an hmu lo a, kalphung thar, mipui Sorkar ngei mipuiin an hmu duh avangin kum 2023-ah chuan mipui sorkar a ding ngei tawh dawn a ni, a ti. Assembly Budget Session neih zawh takah khanZPM MLA te chu an chhuanawm tih a lang chiang hle tih sawiin, Pu K. Sapdanga chuan,ZPM MLA ten mipui thlir bing an hlawh a, an MLA zinga naupang berin CM a zilh phei kha chuan mipui lawm a hlawh hle a ni, a ti.
Aizawl North II bialtu MLA, Dr.Vanlalthlana pawhin Budget Session neih zawh takah mipui hnen thleng phak nasa taka tihkiam a ni chu pawi a tih thu a sawi a. Zoram mipui zaa 60 zette innghahna Agriculture Deptt-a sum dah zaa 23.38 a tihniam a ni te, \halaite innghahna Sports & Youth Services Deptt-a sum dah zaa 33.97-a tihhniam a ni te leh hetiang bawka Department dang 10-a sum dah tihhniam a ni chu a pawi hle a ni, a ti a. Sorkar thar hian Thingkhawn Budget System an hmang a, Finance Deptt. thingkhawn a mi chu Minister-ten an inchuh dawn tihna a ni a. He kalphung hi a fuh ang em tih chu an la thlir zel dawn tih sawiin, he kalphung that lohna chu sorkar Department-ten an hnathawh dan tur ruahmanna an siam lawk thei dawn lo hi a ni, a ti.
ZPM chhung inkhawm hi Steering Committee Chairman, Pu Lalliansawta’n a kaihruai a ni.
