He thu hi vawiina |awi bial ZPM Campaign khuhhawnna Thingsulthliah Diakkawn hmuna neihah a sawi a, tun hma zawngin ram kaihhruai dan system-ah felhlel a awm \hin avangin eiruk hmangte tan hun \ha a inhawng a, hetiang hi tunhnu zelah a thlen tawh loh nan ZPM-in thuneihna a chang a nih chuan ruahmanna felfai tak siamin, Chief Minister pawh ban thei hial khawpa thuneihna sangtak nei VAL UPA COUNCIL in sorkar a uap dawn a, hei mai hi ni lovin administration felfai tak nen sorkar an vil reng dawn a ni, a ti. Pu K. Sapdanga chuan, kumin inthlanna neih tur ang reng renga Kohhran, NGO, \halai leh hmeichhiaten an buaipui hi a la awm ngai lo niin a sawi a, \um dangah chuan inthlannaa Vote thlak hi an hreh ngawih ngawih \hin a, tun \umah erawh hi chuan Mizo mipuite’n Vote thlak an nghakhlel tawh a, ZPM hian mipuite, kohhran mite, retheite mangannna mittui hru hul turin MLA 25 a\anga 30 vel Pathianin a pe ngei dawn tih an ring nghet tlat a ni, a ti a. Midang tel lovin sorkar-na an siam ngei dawn a, chumi zingah chuan |awi bial pawh a tel dawn a, mahni duhnaa awm dawn loh avanga petek ve mai mai ching lo tur MLA \ha tak an nei tur chu a lawmpui thu Pu K Sapdanga chuan a sawi bawk.
|awi biala ZPM Candidate, Pu R. Lal\hatluanga pawhin, party politics ruihchilhna hian sakhaw lungphum a sawinghing a, Society-ah inrin tawnna a tichhia nia sawiin, hetiang politics hi bansan ngam a hun tawh a ni, a ti a. Tunah hian eizawn nana Politics hmangtuten mipui rilru an tihchhiat sak tawh a, hei hi siam\hat theih a la nih avangin ZPM-in thuneihna a chang a nih chuan a thatchhia leh minister tilawm thiam a piangte hausakna, party mi induhsak bingna ni tawh lovin, taima leh thawkrim apiangte dinchhuahna sorkar, mipui sorkar an siam dawn niin a sawi. |awi bial ZPM Campaign khuhhawnna inkhawm hi Thingsul MPF Local Forum Secretary, Pu C. Laldawngliana’n a kaihruai a ni.
