Zoram Peoples’ Movement (ZPM) chuan tun thla chhung hian, ‘Zofate tana him sorkar siam’ tih thupui hmangin, Aizawl khawpui chhung veng 67-ah campaign beihpui thlak an tum. Hemi chungchanga vawiin-a ZPM thuchhuah chuan, he beihpui an thlak mekah hian, zanin-ah hian Aizawl khawpui chhung hmun 10-ah campaign programme an siam thu an sawi a. Tun thla chhung hian Aizawl khawpui chhung veng 67-ah campaign beihpui hi thlak hman an tum a ni. ZPM chuan beihpui a thlak mek-ah hian thu puan neiin, kum rei tak chhung, Mizoramah party pahniha hruaitu pangngaiten kum 10 danah ro an inrel chhawk a, sorkar hotu lu ber chu party hotu lu ber an ni kawp zel a, hna thawk hman lek loin an intlawnsiak a, he kalphung hi mi tinin an kham ta hle niin an sawi a, ZPM sorkarah chuan, Val Upa Council-in sorkar an uap tur thu te, lal fal, tlawn rawn ngai an awm loh tur thu te, VIP culture tihbo a nih tur thute an sawi bawk.
Ram dang mi tam tak, phalna nei lova lo lutte, pawl thenkhatin electoral roll-ah thuna an lo hum avangin, tunah chuan an tlangnel ta hle nia sawiin ZPM chuan, tualchhung mite pawh kut an thlak ngam tawh a ni, an ti a. ZPM a sorkar hunah chuan, phalna nei lova ramri kana lo lut, ram dang mite hi dap chhuah a, thliar hran a, dan tlawhchhana an chungthu khauh tak leh dik taka rel a nih tur thu an sawi bawk. State pawn mi contractor, supplier leh sumdawngten, ram leilung fate chanvo an rawn luahlan \hin leh, chutiang miten ram hruaitute an rawn bel bul tlat zel chu a khamawm tawh hle tih sawiin, heng mite hian Zofate eibar zawnna kawngah harsatna a thlen nasa niin an sawi a, sumdawnna kawngah Mizoram chu chim ral hlauhawmah a awm ta hial nia sawiin, ZPM chuan hmasawnna kawng zawh turin, hnam himna hi ngaih pawimawh hmasak ber \ula an ngaih thu an sawi bawk.
