Vawiina Aizawl Press Club-a thuthar lakhawmtute an kawmnaah ZPM Senior Vice Chairman, Rev. Dr. K. Thanzauva chuan, Students – Teacher Ratio a\anga en chuan zirtirtu lakbelh hi na \ulna a awm lo tih a sawi a. kum 2017 thleng khan Primary School-ah zirtir 1-in naupang a enkawl zat chu 13.37 a ni a, Midle school-ah pawh zirtirtu pakhatin naupang 7.84 vel an enkawl a, hei hi Sorkar laipuiin zirtirtu pakhatin naupang 30 vel enkawl tur a tih aiin nasa takin a sang zawk a, hetiang a nih mek laia zirtirtu 946 zet lak thar tum a ni chu \ul lova sum sen thlawnna mai mai a ni dawn a ni, a ti. Rev. Dr. K. Thanzauva chuan, tuna sorkar-in zirtirtu lak a tum dan chu inthlan dawna \halaite tana hna siam an tiam tihhlawhtlin nana an duhsak zawng thun tumna nia a lan thu sawiin, District Council hunlai a\angin Education chu hetiang hian an lo tichhe tawh a, tunah chuan sim a hun tawh hle a ni, a ti a. Cabinet Meeting thuchhuak ang chuan zirtirtu hi MR-a lak tur a ni a, hei hi Recruitment Rule awmsa pumpelh nana tih mai nia a lan thu sawiin, langsar taka dan palzut tumna a ni, a ti a. Hetiang hi thil awm dan a nih avangin Mizoramin a mamawh ber chu zirtirtu lakbelh lam ni lovin inkaihhruaina dan siam\hat a, a taka kenkawh a ni, a ti a. Chumi ti tur chuan hruaitu huaisen leh thil tihtei an mamawh a, hruaitu huaisen chuan zitirtute nawr kalin, an semrual ang a. Tun dinhmunah chuan Primary leh Middle School-a zirna klapui chungchanga harsatna leh sorkar lawmchhamna chu pawm tur a ni tih sawiin, ZPM Senior Vice Chairman chuan, hei hi India ram pum thil thleng mek a ni a, chuvangin zirna siam\ha turin Kohhran leh mimal enkawl zirna inte nen thawh ho dan kawng zawn a \ul a ni, a ti.
ZPM Senior Vice Chairman, Dr. Kenneth Chawngliana pawhin, Mizorama Teachers Studetns Ratio a \hat em em laia March thlaa Assembly session neih \uma School Education Minister-in zirtirtu nei lo Primar School 13 an awm thu a sawi chu \ha lo a tih thu a sawi a. Zirtirtu hi an la dawn a nih pawhin MPSC kaltlanga lak ni se an duh thu a sawi.
