He inkhawm an party Pisa neih hi ZPM Senior Vice Chairman, Dr. Kenneth Chawngliana’n a kaihruai a, ZPM Leader, Pu Lalduhoma chuan, Party pakhata inchhunfin tura hma an laknaah MPC Party-in harsatna an nei a, thawh hona huanga tel ve tura an beisei mek laiin Inrinni khan Press Conference kovin ZPM-a tel an tum loh thu an puang ta a. Hemi chungchangah hian an Senior Vice Chairman, Pu F. Rodingliana chu MPC President inah lengin, ZPM-a tel ve ngei turin an ngen nawn leh a, hetah hian ZPM-a tel an tum loh thu chiang taka hrilh a ni a ti a, hetiang hi mah se, MPC Party chu an enhrang dawn chuang lo a ni, a ti.
ZPM Leader, Pu K. Sapdanga pawhin ZPM party lo piang ta chu political party dang thenkhat helh tawk a tlin thu leh lal thar lo piang tur ang hiala an ngaih avangin an mangang hle a ni, a ti a. ZPM chu Zoram mipui nghahfak awm chhun a nih avangin an dinchhuah theih loh dan tur Party dangin an ngaihtuah ve reng a, hei hi a ti\huanawptuah hmang lova, an Party-in chak zawka hma a sawn theih nan \an la turin an Party mipuite a ngen a ni. Pu K. Sapdanga chuan, tun hma deuh kha chuan Party Registration hi a duh apiang dil theih a ni a, nikum khan ECI lamin dan thar siamin a dilna Form ringawt pawh cheng sing 1 an chhiar a, a hriatpuitu pawh party mi 100, Aadhar Card nei vek neih a ngai a, inthlan hma khan hei hi tifel hman turin hmala mah se, ECI lam buai deuh bakah an mahni pawh inthlan hmachhawn tura inbuatsaih an ngaih avangin an tithei ta lova, inthlan zawh hnu hun remchang hmasa berah buaipui leh nghalin, hlawhtlinna an hmu ta a ni, a ti.
ZPM-in Registration a neih theih nana atir a\anga buaipuitu PAC member, Pu Lalmuanpuia Punte pawhin Registartion nei tura an hmalakna hrang hrang a sawifiah bawk.
