MPC hruaitu an nihna a\anga bang tate hi Vice President nilai, Pu Lalthansanga bakah PAC member, Dr. B. Thangdailova, Adviser, Pu Lalhmangaiha Sailo, Senior General Secretary, Pu Phairothanga, General Secretary pahnih, Pu Lalthlamuana leh Pu lalrinmawia, Secretary, Pu C. Lal\anpuia, Executive member pahnih, Pu K. lalremliana leh Pu Chhuankima leh MPC \halai President, Pu H. Lalremtluanga an ni a, heng mite hi vawiin chawhma dar 11:15 vel khan Treasury Square-a MPC Pisa-ah kalin, banna hi an thehlut a, banna an thehluh lai hian MPC President, Pu Lalhmangaiha Sailo chu a Pisa-a a awm loh avangin an Party Pisa nghaktute hnenah banna lehkha hi an pe a ni.
Banna an thehluh hnua Zonet zawhna chhangin MPC Vice President hlui ni ta, Pu Lalthansanga hian, an Party dintu Pu |henphunga Sailo awm loh hnuah an Party kal dan chu a danglam ta hle tih a sawi a, Pu |henphunga Policy lo duan tawh tihlawhtling turin ZPM chu Party rintlak awmchhuan nia an ngaih avangin MPC a\anga banna hi thehlut ta an ni tih a sawi.
Pu Lalthansanga hian, vawiina hruaitu \henkhat banna thehlute chu a hmahruai chauh an nih thu sawiin an Party mi leh sa dangte pawhin an hmalakna chu an thlawp avangin ZPM Party chu an zawm ve zel dawn tih a sawi a. MPC a\anga an ban hma pawhin ZPM chu an awmna sa a nih thu leh an Party-a insawhnghet lehzual tura hetiang hmala hi an nih thu a sawi.
