|angrual pawl, Zoram People’s Movement-in kalphung thar, mipui sorkar siam tura hnathawh an tum dan tarlanna chu vawiin khan ZPM Steering Committee Chairman, Pu Lalliansawta’n Aizawl Press Club-ah a tlangzarh a. Mizo mipuite tana rawngbawl an tum dan leh mipui sorkar din tura \an an lakna chu Mizoram hmun hrang hranga mipuiten an hriat a, an thil tum chu a hlawh tlin ngei theih nan he lehkhabu hi buatsaih a nih thu a sawi.
He lehkhabu nihphung sawifiahtu, ZPM General Secretary, Pu K. Sapdanga chuan, tuna lehkhabu an siam chu an thil ngaih pawimawh zual tarlanna chauh a nih avangin mipui sorkar din tura an hmachhawp zawng zawng tarlan vek a nih loh thu a sawi a. He lehkhabuah hian |angrual pawlin thuneihna a chana an ngaih pawimawh hmasak tur Point 11 tarlan a ni. Rorel khawl ruangam an tihdanglam tur zingah Val Upa Council kaihhruaiin sorkar ruangam siam a ni dawn a, CM-in department lian a enkawl lo-in Council of Ministers-te hnathawh dan a enpui ang a. MLA-te tana sorkar senso-a Car lei \hin chu tihtawp a ni ang a, CM pawh telin, mi pakhatin sorkar motor pakhat aia tam an kawl thei lo ang a, thuneihna an chan a\anga kum 5 chhungin Minister leh MLA te hlawh leh ham\hatna dang tihpun a ni lo ang a, MLA-te chu an bial mipuite dawr theih turin thla khatah ni 3 aia tlem lo, an bial chhungah an awm \hin ang. Hengte bakah hian kut hnathawktute dinhmun chawi kanna tur te, inkal pawhna kawngpui tihhmasawn dan tur te, kawlphetha hnianghnar zawk a awm theih dan tur te, hmasawnna ruhrel chak zawka din dan tur te, thuneihna sem zai dan tur te, zirna enkawl dan tur te, tualchhung kutchhuak chawisan a, \halaite tana eizawnna siam dan tur te, mipuiin sorkar a\anga ham\hatna hrang hrang an hmuh theih dan tur leh Mizo hnam chawisan leh humhalh dan turte pawh he lehkhabuah hian tarlan a ni.
