He thu hi vawiina Sairanga ZPM leh Congress \angkawpin campaign beihpui thlaka vantlang inkhawm an buatsaihah a sawi a, Pu Lalduhoma chuan, Mizorama political party-te chu inbeichiam chiam thin mah se, thu inchuh a zirin an thawkho leh mai \hin niin a sawi a. Tuna Congress leh ZPM thawhdunna chu mi thenkhatin an hlauh avangin sawiselna hrang hrang an zawng mek niin a sawi
Pu Lalduhoma chuan MP inthlan hnuhnung berah MNF telin party pali an tangrual tih sawiin, tun inthlanah pawh thil duh loh tak an neih chu mahnia sut zawh loh an hlauh avangin Congress nen an thawk dun ta niin a sawi a. Ram, hnam leh sakhua himna atan an ui em em an flag leh symbol-te Congress nen inthlan lo awm tur atan an dah \ha nia sawiin, A hunlaia mil zelin thu a sawi \hin niin a sawi a, thil lo la thleng tur atan thu an sawi ngai lo tih sawiin, an thusawi hlui thehdarh chiam chiamte chu inbeihna chi a ni lo niin a sawi.
Pu Lalduhoma chuan MP inthlan lo awm turah BJP-ten MNF an puih leh ngei tur thu sawiin, MLA inthlanah pawh Mizoram BJP te an pui tha duh loa, MNF an mawm thung a ni a ti a. Aizawl West I-a Congress leh ZPM \angdun Candidate Pu Lalbuanga Sailo pawhin thu sawiin, a hnam hnatlang hial neih phah ngai a mizo mipuite siamtu BJP thawhpuitu MNF Candidate a ni lo chu a lawm hle tih a sawi. He vantlang Inkhawmah hian Lok Sabha-a Congress leh ZPM Candidate Pi Lalnghinglova Hmar pawhin thu a sawi bawk.
