Thuchhuah an siamah ZPM \halai chuan Cabinet Ministers \hukhawm thuchhuak angin Staff Nurse 70 lakna tur Advertisement hi tihchhuah a ni tih sawiin, he hna lak tur bik a tan hian Recruitment Rules 1989 chu siam danglam niin, hei hi contract-a thawk mekte dah nghehna tur remchang zawnna mai nia a lan thu an sawi a. Hei hi a dik a nih chuan lehkhathiam tak tak tan hna hmuh a harsa dawn nia an ngaih thu sawiin, ZPM \halai chuan Home Department hnuaiah pawh ASI (Ministerial) post 15 ruak hnawh khah a ni a, hemi atana Physical Efficiency Test chu June ni 6 a\anga ni 8 khan neih niin, he hna lakna atan hian The Mizoram Police Manual, 2015 hman a ni a, heta tlingte chu lak fel an ni tawh niin an sawi a. Hetihrual hian Congress sorkar duhsak zawng mi \henkhat an tlin zawh ve tak loh avangin Physical Efficiency Test chu August ni 6 khan Mualpuia RG Stadium-ah an tih \hat tir a ni leh niin an sawi a, hei hi dan pawisa lova thil tih niin an sawi a ni.
