Vawiina an Party chhung inkhawmah Pu Lalmuanpuia Punte hian hnam himna chu ramin hmasawnna ke chak taka a pen dawn phei chuan a pawimawh lehzual a ni a ti a, sorkarin a ngai pawimawh hle tur a nih laiin, tun hnaia Kolasib District MJA-in Bairabi Rel Station-a ILP pekchhuahna an tlawhnaah mumal lo taka thil kalpui a ni tih an zuk hmu a ni a ti a. Hetianga sorkar hmasa hmalakna Bairabi Rel Station-a ILP Counter hnathawh dan a mumal lo hian MNF sawrkarin sorkar hmasa hmalakna a ngaih pawimawh lohzia leh chhunzawm an hreh zia a tilang a, MNF party-in hnam himna an ngaihthah zia a tilang chiang hle a ni, a ti.
Pu Lalmuanpuia Punte chuan, Mizoram leh Assam ramri buai chu sorkar-in tih takzetin hma la se, political party ten inbeih nana hmang lovin an hmalakna \ha takin tawiawm bawk se, harsa lotea sawifel mai theih a nih a rin thu a sawi a. Assam hian an \henawm State – Arunachal Pradesh, Meghalaya, Mizoram leh Nagaland nen ramri buai a nei vek a, Mizoram tih loh State dang nena an buaina chu Assamese hovin an chenchilh ram vek anih avangin an ui hle a. Mizoram nena buaina Cachar erawh chu Assamese hovin a chen chilh ve loh, Assam ram pangngai anga an en ve loh, engtikah emaw Assam a\anga la indang mai tura an ngaih, an sorkar hnathawkte pawh an awm hreh em emna hmun a nih avangin an ui vak a rin loh thu a sawi.
Pu Lalmuanpuia Punte chuan, Vairengte khuain rim taka an hnathawh rah, arsa puahsa tu tih hriat loh te’n Zirtawpnia Lungdai bul Hliappui hmuna motor a\anga lo hlang thlaa an paih sak chu a huathla la hle a, an paih sak zingah khan arsa chauh ni lovin sa kawchhung leh sa chi dang pawh a tel a ni a ti a. Hetianga titute hi sorkar-in man chhuaka an phu tawk hremna a pek ngei a beisei tih a sawi.
ZPM chhung inkhawm hi Secretary, Pu R. Zonunsanga’n a kaihruai a ni.
