Mizoram puma inthlanna muanawm leh ralmuang tak a awm theih chhan chu mipuite lungrualna leh dikna duh vang a ni tih sawiin, inthlanna thianghlim leh felfai a awm theih nana MPF hmalakna chu fak tlak a ni a, hemi piah lamah hian MPF hmalakna mipuiten an \awiawm \ha hle tih a lang chu a lawmawm hle a ni, an ti. ZPM chuan, Mizoram pawn lam a\anga hnam dang, a bikin chanchinthar lakhawmtu Mizoram inthlan rawn belchiangtute thusawi leh an thuziakte ngaihthlak a nuam a, Mizote chu inthlang thiam, muanna duhtu leh therhlo chelek tam lo nia an hmu a lawmawm hle tih an sawi.
Kumin Mizoram inthlanpuia vote zaa 80 zet a tla thei chu lawmawm an tih thu sawiin ZPM chuan, mipui ten an aiawhtu thlanga Vote thlak hlutna an hre chho zel nia lang chu thil \ha tak a ni a, hun lo kal leh zel turah pawh tun aia tam mipuiin vote thlak nachang an hriat a, vote hlutna leh pawimawhna hria an tam deuh deuh pawh an duh tih an sawi a. Kalphung thar, hnam leh sakhaw damna, rorelna dik leh mitin huapzo, hmasawnna khairual leh tluantling neih duh, ZPM a rinna leh beiseina nei chunga min vote tute chungah ZPM General Headquarters chuan lawmthu a sawi a. Party Politics dah\ha ram leh hnam kal zelna tur ngaihtuah a puanven sawichhing sauh sauh turin Mizoram chhung leh pawna Zohnahthlak zawng zawng ZPM chuan an sawm a ni.
