He thu hi vawiina an pawl chhung inkhawmah sawiin, Sorkar laipuia BJP kaihhruai NDA sorkar din tirh a, Prime Minister, Narendra Modi lakluh a nih dawn khan sawm a nih anga a tel thu leh hetah hian BJP houten thawhpui atan nasa taka an sawm thu sawiin, a tirah khan BJP thawhpui chu Mizoram hmasawnna atan \ha tur nia hriat a nih avangin ZNP chuan an zawm ve niin a sawi a, hemi hnu hian BJP thil tih duh dan leh an kalphung an hriatchian hnuah thawhpui zui zel tlak an ni lo tih an hriat avagin an thawh hona chu an titawp leh ta a ni, a ti. Pu Lalduhoma chuan, ZNP-in NDA thlawpna an hnuhdawh hnuah MNF lamin NEDA hmangin BJP chu an thawhpui chhunzawm ve nghal niin a sawi a, tun hnaia ZPM pian hnuah BJP thawhpui chu engtiklai mahin an la ngaihtuah chhin ngai lo niin a sawi.
Tun hnaia Party \henkhatin sawichhiat nana ZPM MLA-te chu Independent vek an ni dawn a, inthlan zawh hnuah BJP in an lei vek dawn anga thu an thehdarh chu mipui bum tumna mai nia sawiin, Pu Lalduhoma chuan, tual\o party reng reng a din tirah ECI lamin a pawmpui nghal mai loh avangin inthlan an chuh hmasak ber chu Independent-in an chuh a ngai \hin niin a sawi a. Tun inthlanah hian BJP -in MLA 15 vel neiin sorkarna siam turin MLA lei belh an tum mai thei a, mahse MLA 2/3 vel bak neihna chance nei lo tan sorkar-na siam tura an inlei tlin hi a rinawm loh nia sawiin, mipuite chu chiai lo tur leh ZPM ah rinna nghat tlat turin a sawm a ni.
ZPM sorkar tharah chuan sorkar hnathawkte kutphuar a phelh tur thu sawiin Pu Lalduhoma chuan, sorkar inrelbawlnaa midang inrawlh \hin chu tihtawp a ni ang a, officer ten an thiamna leh finna hmangin an department te \ha takin an enkawl thei tawh dawn a ni, a ti a. Tunah hian Mizo mipuite an harhchhuak mek a, ram hruaitu atan tling lo chunga an party \an zawng candidate an nih vanga vote luih \al tum an awm ta mang lo nia sawiin, tunah hian Joint NGO Coordination Committee thu zawm leh zawm lo an inkhing mek a, tuna vote tlak dan a\ang hian NGO te thu ngaihpawimawh zelna nge engamaha ngaih lohna a hrin chhuah dawn tih mipuiten an ngaihtuah thlen a ngai a ni, a ti.
He inkhawm hi ZPM General Secretary, Pu James C. Lalnuntluanga’n a kaihruai a, Upa CH. Thangkhuma’n hunserh a hmang a ni.
