He thu hi vawiina ZPM-in Upper Kanan-a Chief Minister hlui, Brig. T. Sailo thlana amah chawimawina hun an buatsaihah a sawi a, tunah hian ZPM chu Pathian leh mipui zara thuneihna chang thei turin duang takin a \hang mek a, hei hi a hlawhtling a nih chuan Brig. T. Sailo thil tih tum leh hmathlir hrang hrangte tihlawhtling tura theihtawp chhuahin Brig T Sailo chu an kaitho leh dawn tih a sawi.
Pu Lalduhoma chuan, Brig. T. Sailo chu rambuai laia Mizo mipuite thlamuantu a ni tih sawiin, sipaite ten khaw hrang hrang mipuite hmun khata an sawi khawm pawh Human Rights dan kalh nia a hriat vanga Gauhati High Court-a a khin hnuah tihtawp chhunzawm a nih thu a sawi a. Sipai a\anga a chawlh hnua mipui rawng a bawl hnua mihring mamawh bulpui, Six Basic needs a tlangaupuina chu rei tawh hle mah se, party dang sorkar-in a ngaihthah avangin ZPM-in an tlangaupui a la ngai ta chu thil lungchiatthlak tak a ni, a ti a. ZPM-in thuneihna a chan hunah chuan Brig. T. Sailo-a six basic needs tihlawhtling turin theihtawp an chhuah dawn niin a sawi. Pu Lalduhoma chuan, Brig. T. Sailo hming lam rik ruala a hriatchhuah \hin chu Assimilation tih thumal a ni tih sawiin, he thu hi sap\awng ni mah se, thingtlang kilkhawr bera mite pawhin an hrethiam deuh vek niin a sawi a. Mizo Hnamte chimral an nih loh nana a hmalakna chu chhuan tham a ni tih sawiin, Chief Minister a nih chhung khan Chakma dan lova Mizorama lolut 5,000 chuang a thawn haw hman a, hemi kawnga a hmalakna hi mi\henkhatin an ngaihtheih loh avangin khatih laia MNF Emmisery President-in titawh lo turin a hriattir a, he hmalakna hi Congress Party pawhin a dodal a, a nunna atan a hlauhawm theih avangin a chhunzawm ta lo a, khatihlai khan hmalak chhunzawm ni se chuan tuna Chakma buaipui ang hi a ngai lo tur a ni a, Brig. T. Sailo-in Chakma Foreigner a buaipui anga hmalakna hi vawiin thlengin a la awm leh ta lo nia sawiin, Sorkar laipuiin dan lova Mizorama lo lutte zawng chhuak tura Mizoram sorkar \um engkemnawzat a hriattir chung pawhin hmalak chhunzawm a ni ta lo niin Pu Lalduhoma chuan a sawi.
ZPM Leader, Aizawl East I biala ZPM candidate nibawk, Pu K. Sapdanga pawhin, High School an kal laia Brig. T Sailo-in an sikul a tlawh \uma a thusawi – ‘nangmahah khan sual leh \ha a indo reng a, a \ha lamin hnehna a chan theih nan \anla rawh’ tih chu vawiin thlenga a la hriat thu a sawi a. A thil ngaihpawimawh zinga kawlphetha intodelh tura a hmalaknaah Serlui A Mini Hydel Project siam laiin a hmunah puan in kaihin Pisa a zuk hawng a, thawktu zingah inthlahdah an awm lova, Mini Hydel Project \ha berah an chhuah nia sawiin, a hnu lama Hydel project siamtute chua Anticipatory Bail ak chungin hna an thawk a, an hnathawh pawh a tlo lo \hin niin a sawi. Pu K. Sapdanga chuan, kum 1983-a Sihpui ruam a min \um pawhin khatih laia Chief Minister, Brig. T. Sailo khan leiminna hmunah Cabinet meeting kovin chanchhuah hna thawh dan tur a hmunah an rel chilh chuan thla a timuang hle tih sawiin, hemi hnua harsatna an tawh leh chuan hetianga hmalak a ni ta lova, a lunglenthlak hle a ni, a ti.
He inkhawm hi ZPM PAC member, Aizawl East II biala ZPM candidate nibawk, Pu B. Lalchhanzova’n a kaihruai a, ZPM Chief Minister Candidate, Pu Lalduhoma, ZPM leader Pu Lalhmangaiha Sailo leh Pu K. Sapdanga, Val Upa Council aiawh-in Rev. Robawia, ZPM Women Committee Chairman, Pi C. Sangzuali leh \halai Chairman, Pu Malsawmzuala leh mimal engemawzatin a thlanah zahna lantir nana pangpar an dah a ni.
