East Tuipui bial fanga zin mek Pu Lalduhoma chian nizan khan Khuanglenga vantlang inkhawmah thu a sawi a, tun thla ni 1-a Assam sorkar-in National Register of Citizens (NRC) draft list a tihchhuah avanga ramdangmi Mizoram-a luh tum ven chungchangah Mizoram sorkar chu muhil der-ah phuhin, Sorkar-in chak taka hma a la lo chu a \ha lo hle a ni, a ti a. Hetih rual hian ram dang mi Mizorama lo lut turte ven kawnga MZP hmalakna chu fakin, ZPM a sorkar ve leh National Register of Citizens (NRC) chu ngaihpawimawh hmasasakte zingah dah a ni dawn niin a sawi. Pu Lalduhoma chuan, Mizoram hmun hrang hranga kuthnathawktuten ZPM sorkar hun an nghakhlel tawh hle nia sawiin, |angrual pawlin thlai thar leina tur Budget-a an dah tur thu an sawi chu an tihhlawhtlin ngei dawn avangin kuthnathawktute tan a kawl a eng dawn niin a sawi. ZPM Chief Minister Candidate-in East Tuipui bial hmun hrang hrang a fannaah hian he bial vil tura |angrual Pawlin a ruat Pu C.Laltanpuia’n a \awiawm a ni.
