Vawiina an pawl chhung inkhawmah he thu hi sawiin, Pu Lalduhoma chuan, ZPM hian MLA 24 a\anga 30 inkar vel an lak phak ngei a beisei tih sawiin, party dang tel lova sorkar siam thei turin an inbuatsaih mek niin a sawi a, hemi atan hian ZPM Research Wing-te pawh hmala tura ngen an ni tawh thu leh Minister-te hnachanpual tur awm angte lo ruahman chhin tura ngen an ni tawh nia sawiin, an sorkar tuk a\anga buai miah lova sorkar kaihruai turin an inouahfel thawkhat tawh niin a sawi. Pu Lalduhoma chuan, ZPM MLA cadidate zingah hminghliauna nei an awm lo leh mi fel fel tak tak an ni hlawm chu mipui rilru latu pakhat a ni tih sawiin, sorkar \ha nei duh zawng zawngte chu ZPM candidate vote \heuh turin a sawm a ni. Kuthnathawktuten an thawhrim rah an seng a, an thawh phu tawk ham\hatna an hmuh theihna atana ZPM-in sawhthing Kg. khat cheng 50 leh hmuhphiah Kg khat cheng 100 an lei tur thu an puang chuan tihlawhtling ngei dawn nia sawiin, ZPM Chief Minister candidate chuan, heng thlai chi hnih bakah hian thlai dang dangte pawh lei a ni dawn a, heng thlai rate-te hi a tlachawpa puan zel a nih tur thu sawiin, hei hi a taka an tihhlawhtlin theih nan naktip nilainia vote thlak turah mipuite chu ZPM candidate-te vote \heuh turin a ngen a ni.
ZPM Val Upa Council Chairman, Pu Lalfakzuala pawhin thusawiin, mipuite chu pawl hmachhawp nei \ha leh hruaitu nei \ha vote ngam turin a ngen a. ZPM chu ram siam\hatna policy nei \ha ber an ni a, CM atana mipui tam berin an it \hin, candidate \ha ber an nei bawk nia sawiin, hetiang a nih avang hian an candidate-te chu party dang candidate-te aiin an \ha zawk emaw, \ha lo zawk emaw pawh nise, Zoram siam \hat duhtute chuan ZMP candidate an vote a ngai a ni, a ti. He inkhawm hi ZPM Steering Committee Chairman, Pu Lalliansawta’n a kaihruai a, Campaign Director, Dr. Kenneth Chawngliana’n bial hrang hranga an hmalak dan report a a pe bawk a ni.
